قصيده عجبتني واتمنى تعجبكم
قلت نادي النصر وأحب الهلال
جتني تبي تلعب علـي مبرقعـه
واقفه بيـن الحقيقـه والخيـال
جت بلطف وذوق جـت متدلعـه
قالت أسمح لي عزيزي بالسـؤال
خفـت أنـا لا أنولـد بالزوبعـه
خاف أقول يمين والحلوه شمـال
وتبتعد عنـي وتمشـي مودعـه
وترتحل هاذيـك وتشـد الرحـال
ناظرتنـي بالعيـون الموجـعـه
قالت أبدأ قلـت أبـدي بالمقـال
قالـت أنـت اي نـادي تشجعـه
قلت نادي النصر وأحـب الهـلال
وأي نـادي تشجعينـه أشجعـه
أعشق اللي تعشقينه يـا خيـال
قالت أي فنـان ترغـب تسمعـه
قلت أبو نوره وميت فـي طـلال
أي مطـرب تسمعينـه أسمعـه
وأستمـع لحـلام وأقـدر نـوال
قالـت أصلـك وشهـو مرجعـه
قلت أنا جنوبي ومن أهل الشمال
ولي نسب شرقي أبـوي موقعـه
وفي الغروب أذكر لنا سابق أحلال
قالت أسمع كـم واحـد وأربعـه
قلت مدري صعب بالحيل ومحـال
أي رقـمٍ تطرحيـنـه أجمـعـه
والنتيجه حلم يـا بنـت الحـلال
قالـت تحـب الربيـع بمطلعـه
أو هوايتك الخريف اللـي يقـال
قلت أنا أهوى الفصـول الأربعـه
كلها عندي سوى فـي أي حـال
ما خـذت منـي أجابـه مقنعـه
وأستدارت كنهـا بـدر الكمـال
قالت أنت كـل هرجـك معمعـه
دخت أنـا ويـك ياولـد الحـلال
موضوع: قلت النصر واحب الهلال 
الثلاثاء أبريل 08, 2008 12:17 pm
